17. mai-pølsene undervegs

I dag har Lars Erik og Frank vore i full jobb på foredlingsanlegget til Mo og Øyrane VGS. Dei har skore ned over 150 kg økologisk villsaukjøt, som vi har kjøpt på ei naboøy. Etter at kjøtet er skore frå beina er det opp i den store kjøtkverna, og så går det vidare til kjøtkakka der saltet blit blanda inn. Det einaste vi tilset villsaukjøtet er salt utan nitrit. Tidlegare har vi brukt 40 gram salt pr kilo kjøt. Denne gongen har vi gått ned til 35 gram salt.

Etter at alt dette er gjort blir kjøtet vakuumpakka i store posar, med rundt 8 kg kjøt inklusiv salt. Kjøtet er klart for fermentering, dvs. modning med mjølkesyrebakteriar. Etter 4-5 veker er kjøtet klart for pølsetarm og vidare produksjon.